【包圍立法會】「獨裁式」管治香港　曾智華：請特首認真考慮走入深山避靜自省

今天，我肥碌不會像前天百萬人一樣，詛咒林鄭，要求佢主動辭職或下台，因短期內無乜可能發生也。

小弟只想忠告佢為自己身體、為香港安全，先放段長假。因為，從前晚深夜佢發出的公告看，已感受到陣陣心火盛、肝火躁的嚴重情緒繃緊狀態，兼且，「阿叻上身」（叻我至叻，我係餐餐做阿head！）。

如此心態「獨裁式」管治香港，由今天到六月二十七日，隨時攬炒跳崖！

公職系統設計（極權國家除外），強調每個人皆只是機器一件零件，有需要就替換，絕不會影響機制運作，這才是最健康的。

我肥碌三十多年公務員生涯，見盡多次同事因任何原因暫不適合處理手頭任務，多識趣自己申請假期或「被放假」，以避開可能出現的危機同時，又可保留面子及尊嚴。

過去一個月，小弟遇到不少昔日林鄭月娥上司、同輩，多是現任或退休高官，無不搖頭歎息，也無不難以理解特首「究竟搞緊乜」？

因完全脫離應有的風範、行事態度及準則。尤其人人都問同一個問題：「急乜？有乜不可告人秘密？」

討論政治時事，不必太多陰謀論，更忌早早標籤自己或別人是乜乜黃絲、藍絲，這樣，只會淪為潑婦／爛佬罵街，有失身份。

請特首認真考慮放最少一周假，走入深山避靜自省，交給手段圓滑的「肥仔張」頂住先，這樣，一定收降火之效！

若再放長點，唔……「藥效」必定更理想！